Campaña de promoción turística da ruta "A Orixe" no Camiño Francés
Onde todo comeza
“A Orixe” nace cun obxectivo claro: destacar a orixe do Camiño e reivindicar o papel da Barbanza Arousa dentro da historia do Camiño de Santiago.
Trátase dunha ruta de máis de 130 quilómetros que comeza no Faro de Corrubedo, atravesa varios concellos da comarca e conecta co Camiño Portugués para culminar en Santiago de Compostela.
Con esta campaña, traballamos nunha idea tan sinxela como potente: lembrarlles aos peregrinos que hai outro punto de partida, outra historia e outra forma de vivir o Camiño.
Unha campaña no lugar axeitado
Para iso, levamos a mensaxe a algúns dos puntos con maior tránsito de peregrinos do Camiño Francés, buscando impactar a aqueles que xa estaban a vivir o Camiño.
Accións
- Instalación dunha pancarta de gran formato en Arzúa, situada nun punto estratéxico da ruta.
- Deseño e distribución dunha campaña audiovisual en pantallas dixitais en Santiago de Compostela, adaptada a formatos de alta visibilidade.
O resultado
Unha campaña de comunicación directa e perfectamente contextualizada, capaz de espertar a curiosidade de miles de peregrinos e reforzar o posicionamento da Orixe como unha ruta con identidade propia dentro do Camiño de Santiago.
Porque ás veces, as mellores historias non precisan máis ruído. Xusto o lugar axeitado para ser contadas.
